(Diccionari general informatizat de la lenga occitana)

Se presentèt lo quasèrn de las cargas del DGILO en decembre al burèu del Conselh lingüistic del Congrès : aquel document-quadra compren l'analisi d'un desenat de diccionaris generals d'autras lengas, fa de las preconizacions pertocant los objectius del DGILO, lo protocòl de gestion de la variacion de la lenga, l'arquitectura del diccionari, lo còrpus de trabalh e lo procediment de redaccion collectiva. Aquel document presenta egalament las modalitats diferenciadas de consulta de la version numerica del diccionari segon los diferents publics ciblas. Lo protocòl de gestion de la variacion es estat concebut amb la tòca de miralhar las flexions morfologicas, las nuanças d'acceptacion e l'origina dialectala de las illustracions textualas ; l'òrdre de presentacion de las formas es estat definit en coeréncia amb las causidas prealablament operadas pel Basic, lexic elementari francés-occitan del Congrès.

Enfin, se faguèt lo còrpus de trabalh de la faiçon mai exaustiva possibla pertocant las ressorsas lingüisticas e lexicograficas o s'agissent de las òbras màgers de la literatura occitana dempuèi lo sègle XVI, e destinadas a illustrar los articles jos la forma de citacions.