La plataforma TEI (Text encodage informacion, un estandard de formatage de còrpus textuals) foguèt optimizada pendent l'annada 2024 per tal de respondre a las demandas de l'equipa lexicografica pertocant l'utilizacion concrèta de l'esplech :

• optimizacion del sistèma de salvagarda per l'adaptar a la quantitat bèla de dintradas creadas ;
• apondi de modèls pels objèctes que son repetits (referéncias bibliograficas, categorias gramaticalas,…) ;
• possibilitat d'expòrt del lexic en PDF per aver un apercebut ;
• modificacions del format e dels divèrses elements (èx. apondi d'un camp « fisabilitat » per las diferentas informacions) ;
• foncionalitat per ajustar de sinonims, derivats… en lòt ;
• impòrt d'articles en partir d'una lista de mots en CSV ;
• possibilitat de crear una dintrada novèla en partir d'un sinonim ;
• « bagueta magica » que pre-emplís d'unes camps ;
• possibilitat de metre en gras o italica d'unes contenguts ;
• apondi d'una barra per inserir de caractèrs especials.
• De paginas d'ajudas detalhadas son estadas redigidas, aital coma un guida simplificat especific pels relegeires.

En mai, los conselhièrs scientifics del Congrés aguèron un drech d'accès a la plataforma TEI, lor permetent atal de seguir lo trabalh engatjat, d'o comentar e d'escambiar amb los lexicografs. En parallèl, l'equipa lexicografica pòt sollicitar los conselhièrs per obténer una recomandacion dins lo tractament d'una dificultat de forma (conselh lexicografic) o de fons (aspèctes lingüistics).