Sostenguda per la Region Auvèrnhe-Ròse-Alps dins l'encastre del CPER 2021–2027, la transformacion numerica de Descobèrtas occitanas passèt una etapa novèla. Entre sortir d'una consulta dobèrta, l'agéncia Novaway es estada retenguda per desvolopar aquel novèl esplech numeric dedicat a la difusion de la cultura occitana.
Aquela causida marca lo passatge d'una fasa de reflexion e de concepcion a una fasa de realizacion concrèta, amb una ambicion clara : prepausar una autra faiçon de descobrir e d'accedir a la cultura occitana, a l'encòp modèrna, accessibla e fidèla a son identitat.

Un projècte d'envergadura

Dempuèi mai de trenta ans, Descobèrtas occitanas difusa libres, musica e produccions culturalas ligadas a la lenga e la cultura occitana. Mas coma fòrça actors culturals, l'associacion afronta un constat partejat : una ofèrta rica, mas encara tròp dispersada e de còps dificila d'accès pel public grand.

Lo projècte de plaça de mercat respond a aquela volontat de passar un cap.

S'agís pas simplament de modernizar un sit internet existent, mas de repensar en prigondor la faiçon dont la cultura occitana es presentada, organizada e difusada en linha.

Inscrich dins lo programa "Numeric occitan" del Contracte de Plan Estat-Region, aquel projècte a per mira de crear un esplech capable de : 

• amassar de contenguts uèi escampilhats
• facilitar lor accès per totes los publics
• acompanhar los actors culturals dins lor difusion

Dins un contèxt ont la visibilitat numerica es venguda lo primièr vector d'accès a la cultura, lo besonh de modernizar los circuits de difusion de la creacion occitana s'es impausat coma una prioritat. S'agiguèt donc de balhar als actors culturals occitans los mejans de s'inscriure dins los usatges numerics actuals, sens pèrdre la riquesa e la singularitat de lors produccions.

Una librariá repensada : l'innovacion per la lenga

L'un dels aspèctes mai innovants del projècte ten dins son apròchi meteis de la navigacion.

Aicí, la lenga es pas solament un atribut : ven una pòrta de dintrada dins la plataforma. Los utilizators poiràn explorar los contenguts per lenga, per territòri o variantas lingüisticas, mas tanben per tematicas culturalas.

Aquel apròchi permet de prepausar una experiéncia mai intuitiva e mai coerenta amb la realitat de la cultura occitana e dels besonhs dels utilizators.

Al delà de la librariá en linha, lo sit se vòl un espaci ont se pòt descobrir d'òbras mas tanben comprene lor contèxt e navigar dins un univèrs cultural.

Es aquela articulacion entre contengut cultural, lenga e experiéncia utilizator que constituís lo còr de l'innovacion del projècte. Aquel apròchi obrís la via a una faiçon novèla de valorizar las culturas e lengas vivas dins l'espaci numeric, en se prement çò que fa lors especificitats.

La causida de Novaway : un partenari per concretizar lo projècte

Per acompanhar aquela transformacion, una consulta es estada lançada al près de mantuna agéncia web.

Entre sortir d'aquel procediment, l'agéncia Novaway es estada retenguda.

Basada a Lion, Novaway a sauput convéncer per un apròchi a l'encòp clar e adaptada al projècte. Mai que d'arguments tecnics, es sustot sa capacitat a comprene los enjòcs especifics del projècte qu'a fach la diferéncia.

Mantun element a guidat aquela causida : 

• una atencion fòrta portada a la simplicitat d'usatge
• una faiçon de concebre lo sit a partir dels besonhs reals dels utilizators
• una capacitat a acompanhar un projècte evolutiu, que se limita pas a una simpla botiga

La causida de Novaway permet uèi de dintrar dins una fasa de trabalh concrèta, amb la definicion de la novèla identitat visuala e la realizacion de las primièras maquetas.

Una plataforma dobèrta als actors culturals

A tèrme, la plaça de mercat a vocacion a s'obrir a d'autres actors culturals. Editors, productors, associacions o creators poiràn prepausar lors contenguts dins la plataforma, dins un quadre comun.

L'objectiu es de facilitar la difusion, tot en conservant una certana coeréncia editoriala e qualitativa.

La plataforma permetrà donc d'alargar l'ofèrta disponibla en balhant mai de visibilitat a las produccions. Aquela obertura se farà progressivament, amb un acompanhament dels partenaris per facilitar lor integracion. A tèrme, la plaça de mercat a vocacion a venir un ponch de dintrada immancabla per descobrir, comprene e accedir a la cultura occitana, en region coma en delà.

Lo ròtle de la Region Auvèrnhe-Ròse-Alps

Lo projècte es sostengut per la Region Auvèrnhe-Ròse-Alps dins l'encastre del CPER 2021-2027.

Aquel sosten s'inscriu dins una estrategia mai larja qu'a per mira de desvolopar d'espleches numerics al servici de la lenga e de la cultura occitanas.

En acompanhant aquel projècte, la Region participa a : 

• la modernizacion dels espleches de difusion culturala
• l'alargament dels publics
• la valorizacion del patrimòni lingüistic occitan

Aquela associacion permet de balhar al projècte los mejans de son ambicion, tot en l'inscrivent dins una dinamica territoriala mai larja.

Las etapas venentas

Amb la causida de Novaway, lo projècte dintra dins sa fasa pérationnelle.

Los meses venents seràn consacrats a : 

• la creacion de l'identitat visuala
• la concepcion de las maquetas
• la definicion dels trajèctes utilizators
• lo desvolopament tecnic de la plataforma

Una primièra version del sit permetrà a Descobèrtas occitanas de prepausar sos pròpris contenguts, abans l'obertura progressiva als autres actors de la cultura occitana que son d'ara endavant convidats a contribuïr al desvolopament d'aquel esplech novèl.