Lo projècte de FOAD e d'aplicacion per aprene l'occitan segon los parlars auvernhats e vivaroalpencs a fach l'objècte d'una concertacion scientifica per establir los estandards de lenga qu'aqueles diferents espleches serián concebuts e realizats dessús.

Lo principi d'una unitat de parlar per cadun d'aqueles sosensembles lingüistics es estat retengut e çò per de rasons pedagogicas.

Pels parlars auvernhats es estat decidit de partir de la produccion de Jean Roux dins l'obratge « L'auvernhat de pòcha » per l'aplicacion dont l'ambicion es de menar los futurs locutors al nivèl A2 del CECRL. Per la FOAD, la meteissa referéncia serà utilizada amb l'introduccion de las particularitats dels parlars Nòrd Auvernhats quand los apprenants arribaràn al nivèl C1 del CECRL.

Pels parlars vivaroalpencs, la causida s'es portada sus l'obratge « A nòstre biais - Aprene l'occitan Vivaroalpenc » de Gérard Ligozat. Aquel metòde d'aprendissatge de l'occitan vivaroalpenc parlat dins los Alps del sud, Ardecha, la Drome e tres vals piemontesas : leiçons, prononciacion, vocabulari, gramatica e sintaxi, prepausa egalament d'exercicis per verificar l'aquisicion dels aprendissatges.

En mai, dels escambis amb Lo Congrès de la lenga occitana e l'OPLO (Ofici public per la lenga occitana) an permés de considerar l'opportunitat de collaboracions e de mutualizacions eventualas amb d'espleches analògs que poirián pertocar maites parlars occitans (lengadocian, gascon).

Per l'ora, lo CFPO Montanhòl recèrca de complements de finançament per tal de poder lançar lo recrutament d'una persona en capacitat de coordinar lo trabalh de realizacion d'aqueles espleches, en cooperacion amb un comitat scientific compausat dels autors precitats e dels formators del CFPO Montanhòl.