Mantun actor occitanista de la region Alvèrnhe Ròse Alps asempran sos esfòrces dins de projèctes, amb l’amira de facultar la visibilitat, la vivacitat e lo partatge del patrimòni lingüistic occitan mercé al desvolopament d’aisinas numericas.
S’agís de produsir un ensems d’espleches e de ressorsas numericas, d’usatge liure e gratuït, accessibles sus ordenadors e aparelhs connectats, per assegurar la transmission e la difusion de la lenga e de la cultura occitanas.
IEO Alvèrnhe Ròse Alps
L’IEO ARA es una associacion de lei 1901, membre de la federacion de la ret dels IEO. Coma actor regional, coordina las seccions departementalas (5 seccions per 250 aderents) e assegura l’aplicacion e la coëréncia del projècte nacional suls territòris.
Istoric e missions
- Sosten, còordenacion e representacion de las seccions departamentalas : Ardescha, Cantal, Droma, Léger Naut e Puèi de Doma
- Desvolopament local e cultural : projèctes qu’an per tòca de favorizar la vitalitat de la lenga e del patrimòni occitans
- Acompanhament de las collectivitats, entrepresas e individús dins sas demenadas de valorizacion del patrimòni occitan.
- Participacion a la salvagarda de la diversitat lingüistica en promovent e valorizant l'occitan dins la region
Site internet : https://www.ieo-ara.com
cfpo Montanhòl
Lo CFPO (Centre de Formacion Professional Occitan) es una associacion de lei 1901, creada en 2013, que lo sèti es l’Ostal del Telh (a Orlhac). Forma, dempuèi mantuna annada, a la lenga e la cultura occitana dins los parlars regionlas tota persona qu’o desira, que siá dins l’encastre personal o professional.
Lo CFPO vòl desvolopar l’apropriament de la lenga occitana en oragnizant corses, estagis e autras manifestacions, amb de formators qualificas e reconegut dins lo mitan occitanista. Faculta l’aprendissatge de la lenga en utilizant una pedagogia activa e immersiva, que fa de l’aprenaire un actor de la sa formacion.
Site internet : https://cfpo-montanhol.org
L'Ostal del libre
L’Ostal de Libre es una associacion de lei 1901 que s’avòda a la promocion e a la difusion de la lenga e de la cultura occitanas, que l’especialitat es l’edicion e la difusion de produches culturals occitans, notadament mercé a Découvertes Occitanes, sa botiga de comercializacion en linha.
Es la sola librariá de la region Alvèrnhe Ròse Alps especializada dins la cultura occitana. Adaptada per totes los nivèls, Découvertes Occitanes recampa e prepausa çò essencial de la cultura occitana, que sián libres, revistas, CD/DVD e presents, en occitan, en francés o en bilingüe occitan e francés. La librariá es tanben un luòc fisic d’escambis e d’informacions sus la cultura e la creacion occitana actuala. Tota l’annada, l’associacion ten una banca, dins d’unas fèstas e manifestacions.
Site internet : https://www.decouvertes-occitanes.fr
Lo Congrès permanent de la lenga occitana
Lo Congrès permanent de la lenga occitana es una institucion independenta que representa los actors e los utilizaires de l’occitan e qu’a per mission de velhar al respècte dels dreches fondamentals de la lenga e de promòure son usatge. Es l’aisina comuna de sos membres al servici de totes. Sa tòca es de contribuir a la vitalitat e al desvolopament de l’occitan en trabalhant a sa coneissença e a sa codificacion per la produccion d’espleches dins los divèrses domenis de la lenga.
La creacion del Congrès permanent de la lenga occitana es estat la resulta d’un longa reflexion sus la necessitat d’un organisme que faguèsse referéncia dins lo domeni lingüistic.
Lo Congrès es un organisme interregional de regulacion de la lenga occitana. Recampa las institucions e las federacions istoricas occitanas e es sostengut per las collectivitats territorialas e pel Ministèri de la Cultura.
Lo Congrès a desvolopat tres pòls de competéncias :
- La creacion d’espleches e la coordenacion de programas dins lo domeni del tractament automatic de la lenga per l’occitan
- De servicis de traduccion e de conselh, amb d’accions que qu’amiran la socializacion de la lenga occitana
- L’institucion academica de regulacion de la lenga, que produtz dins aqueste encastre de ressorsas e aisinas de referéncia destinats al public
Site internet : https://locongres.org